Pasaherong Namimili ng Sasakyan

Picture source.

Sya si Gary, delivery rider sa umaga, Angkas rider naman sa gabi. Nakilala ko sya isang gabi nung hinatid nya ako sa Project 8 from Cubao. On the way, wala syang tigil sa kwento, especially about sa mga rides nya dito sa Ocho. Marami daw mga mysteryoso daw. Sabi ko, bakit naman?

Example. Meron daw street sa Ocho na may malaking puno ng mangga. Pag malalim na daw ang gabi, bandang 11 pm or 12 midnight, meron daw nagpaparamdam or nagpapakita. "Ano? White Lady nanaman?" sabi ko, dahil trending ang White Lady pag ganitong mag-u-undas. Sabi nya hindi daw White Lady. 

"Hooded, sir. Basta hooded jacket na walang muka. Minsan black, minsan blue. Minsan lalaki, minsan babae."

Anong street uli? tanong ko.

Basta yung may malaking puno daw ng mangga.

Andaming streets dito na may malaking puno ng mangga! sabi ko.

"Basta may malaking mangga, sir!"

Eto storya nya:

Kakahatid lang daw nya sa isang pasahero near papasok ng Paradise. Pag labas nya ng gate ng subdivision at paakyat sa bridge going to Road 23, andun yung hooded person or ghost, naka-tayo sa dulo ng bridge. Pag daan daw nya, nawala daw bigla ito, and then suddenly bumigat daw yung motor nya sa likod. Pag silip nya sa side mirror, naka-angkas na yung tao sa kanya. Walang muka. Hooded jacket lang. Wala nga daw yatang paa. Pantalon lang.

"Asan yung malaking puno ng mangga dun?" tanong ko.

Tumahimik sya sandali. "Wala bang mangga dun, sir?" 

"Sa may bridge? Wala. Dun sa ibaba ng bridge meron ata."

"Anyway sir, basta yung hooded multo biglang naka-angkas na sakin. Syempre nagulat at natakot ako. Hininto ko yung motor at tumakbo na ako!"

"And then?"

"Buti naka-tyempo ako ng barangay patrol. Humingi ako ng saklolo at kinuwento ko sa kanila nangyari."

"Naniwala sila?"

"Syempre hindi, sir. At least sinamahan nila ako sa tulay at na-recover ko motor ko."

"Di sila naniwalang may hooded ghost sa tulay?" tanong ko.

"Di sila naniwala. Kasi andun daw yung hooded multo sa kanto ng Road 18 at Shorthorn, hindi sa bridge. At di daw sumasakay sa Angkas yun."

"Saan daw?"

"Sa GSM..."

MGA TAUHAN: Ako (si Jaden Mero, and me-akda ng Kwentong Otcho), si Prof Pekwa, Pareng Babes, Mr. Bean, Badong, Sabas, Roy and Gerry (mag-utol), Sir Tony (teacher), Totoy Golem, Dagul, Derek, Gerald d Dyaryo-Bote, Victor the taho vendor, Sikyong Pedro, si Lewy (o Lowie), si Boy at si Bisoy. O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy. At andyan din si Aling Lori na me karenderia, asawa nyang si Mang Boyet, at si Aling Lydia na me sari-sari store banda roon.

Experience organic barley grass in its original, unsweetened form with Santé Barley Max NZ Plain. Made with BioGro-certified organic young barley grass from New Zealand, it delivers naturally occurring nutrients, dietary fiber, and antioxidant plant compounds in a convenient powder. Gluten-free, with no added sweetener.