Me Treasure Daw Sa Ocho

Sa kasagsagan ng pandemia at mga variants, busy si Prof sa parit-parito, nililibot ang mga karatig kalsada sa Project 8. Napapansin na ito ni Badong at nai-kwento ke Sabas. Napansin din nyang tila di mapakali si Prof at kung saan-saang street nya nakikita pag namamasada sya ng tricycle. Naisip tuloy ni Sabas, me misteryo yata.

Photo by Karim Sakhibgareev on Unsplash.

"Di kaya epekto ng bakuna yan?" tanong ni Badong. Aakalain mong nagbibiro sya. Pero hindi. Siryoso sya. Malay ba nya kung bagong side effect ng bakuna ang pagka-ligalig o lakwatsero? Dumaplis sa isip nya--kung sya naman kaya magka-side effect, saan naman sya maglalakwartsa? Ayaw nya sa Ocho lang. Siguro sa SM o Trinoma? Me aircon pa.

"E pare-pareho naman tayo ng bakuna, diba?" ika naman ng Sabas. "Matino naman ako," dagdag pa nya. Siryoso din sya sa pag-sabi nito. Walang bahid biro o malisya. Di nalang sana nya dinagdag yung "matino naman ako." OK na sana e. Andun na e. Pumalpak pa. 

Tinignan ni Badong ng maigi si Sabas. "We never know," sabi nya. Siryoso din.

Sakto namang padaan si Gerald d Dyaryo-Bote. "Mukang me bagong ganap ha. Ano ba balita?" tanong nya habang pinaparada ang kariton nya. Mga tricycle lang nila Sabas at Badong ang naka pila noon kaya maluwag na "pinark" ni Gerald saglit ang "oto" nya. Nilabas nya ang bottled water at uminom. "Ang init, tapos mamya uulan!" sambit nya.

"Nung isang linggo pa yang bottled water na yan ha!" puna ni Badong. "Pinapalitan mo ba ng laman yan? Palit-palit din pag me time!" Tawanan sila Sabas at Badong. "Saka mukang galing din sa digmaan yang bote mo! Palitan na yan!" Tawanan pa lalo. 

"Hindi na!" sagot ni Gerald. "Dyan kami lumalakas no! Me mga bitamina yan! Kaya kayo puro mahihinang nilalang kasi wala ng sustansya mga kinakain nyo!" Sabay tawang ganti ni Gerald. Actually, halakhak. Feeling nya naisahan nya sila. Pagkatapos ay kumambyo. "Teka, ano ba yang binubulong-bulung nyo dyan? Parang me bagong chismis. Ano ba yon?"

"Chismoso ka talaga," sabi ni Sabas. "Eto kasing si Prof kung saan-saan nagpupunta. Kung saan-saang kalye namin nakikita. Minsan sa me Mindanao-Road 20. Minsan sa Baryo San Jose. Minsan sa Paradise. Minsan sa me Tandang Sora. Parang me hinahanap!"

"At parang me malalim na iniisip!" segunda ni Badong.

"Baka in-love. Wahahahaa!" sabi ni Gerald. "Naghahanap ng gelpren. Yung utol ni Sikyong Pedro abelabol!"

"Alin?" biglang sabat ni Sikyong Pedro sa loob ng guardhouse. "Bat nadinig ko pangalan ko dyan?"

"Wala!" sabi nilang tatlo.

"Ganon?" ika ni Pedro. "Sayang. Me alam pa naman ako sa bagong raket ni Prof. Pero di bale nalang." Sabay pa-pito-pito ito na nakakaloko. Wari mo bang walang paki-alam.

"Anong raket?" sabay-sabay nilang tanong matapos sabay-sabay na lumapit ke Pedro.

"O! O! Distancing ha!" babala ni Pedro. "Mga pasaway! Dahil sanyo kaya kumakalat ang baliant!"

"O sige na! Magiingat na! Ano ba ang bagong raket ni Prof? Chicks nanaman?" ngawa ng tatlo. 

Lumingon-lingon muna si Sikyong Pedro. Nung nakitang walang iba tao, bumulong sya: "Meron daw naka-baong kayamanan sa Ocho, ayon sa mga lumang record sa library ng city hall!"

Nanlaki mga mata ng tatlo. Alam nilang di pwedeng magkamali si Prof. Matalino ito at masusing inaalam ang lahat ng bagay. Kaya malamang sa malamang, totoo ito. Me naka-baong treasure sa Ocho! Kelangan nilang makausap si Prof para bumakas man lang. 

"Pero wag muna nyo kausapin si Prof ngayon. Mainit ang ulo. Kanina dumaan dito at naka-busangot at maligalig. Binanggit sakin yung treasure daw na binaon sa isang ilog dito sa Ocho ng mga Katipunero nung panahon ng kastila," paliwanag ni Pedro.

"ILOG!!!" sabay-sabay na sigaw nila Badong at Sabas.

[Itutuloy]

Review lang po--baka nalimutan nyo na ang Ocho Boys (Kalog Boys)--eto sila: Ako (si Jaden Mero, and me-akda ng Kwentong Otcho), si Prof, Pareng Babes, Mr. Bean, Badong, Sabas, Roy, Totoy Golem, Dagul, Derek, Gerald d Dyaryo-Bote, Sikyong Pedro, si Lewy (o Lowie), si Boy at si Bisoy. O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy.

Ba't Ayaw ni Sabas ng Bakuna

Hindi naman bakuna ang inaayawan ni Sabas. Ang ayaw nya yung karayom ng injection at yung side effects ng bakuna--yung lalagnatin sya at manghihina at sasakit ang ulo o katawan. Yung mga ganon. At lalo na yung mga delikadong side effects na nadidinig nya--yung iba daw tinubuan ng malalaking allergies o kaya naging tatlo ang mata o naging zombie daw.

Photo above by Mika Baumeister on Unsplash.

Pero in-explain ni Prof. Ang side effects na gaya ng headache, fever o mga flu-like side effects ay natural lang at senyales na epektib ang bakuna sayo. Gumagana. At yung tungkol naman sa deadly side effects, one in a thousand lang daw yun. Ang majority ay safe naman nang mabakunahan.

E pano kung si Sabas yung "one" na yon sa "one in a thousand"? Yun din ang worry ni Sabas. Pero at least "one" lang yun, sabi ni Mr. Bean, di gaya ng Covid, andaming nahahawa at andami nang namatay. Millions na ata, kundi sya nagkakamali. At pag napuruhan ka nyan, mahina ang 1 million pesos na hospital bill mo. Yan ang balita ni Mr. Bean.

"E, pano nga kung ako pala yung 'one' na yon? At lalo akong magka-loko-loko imbis na wala sana akong prublema?" tanong pa rin ni Sabas na parang iritable na.

"E di mag-blowout ka! Biro mo sa kina-dami-dami ng tao ikaw ang napili!" biro ni Mr. Bean.

"Ilong mo kaya i-blow up ko?" sagot ni Sabas. "At pano kung mabali yung karayum?"

"Ayaw mo yun, me karayum ka sa loob ng katawan? Ikaw lang ang ganon!"

"Isipin mo nga...karayom versus balat mo. Obvious ba na mas matigas karayum? So papano mababali yun pag tinusok sa balat mo," urirat ni Prof.

"Kasi Prof makapal ang balat nyan, pati mukha!" ika ni Badong. Halakhakan. 

"Di nga Prof," pa-iba ni Pareng Babes. "Kasi madaming napapabalitang delikadong side effects gaya ng clotting at bleeding at inflammation daw. Pano naman yun, Prof?"

Nag explain uli si Prof: "Tumpaks naman yon. I mean, lahat ng bagay delikado. Lahat ng decisions natin me ka-akibat na risks. Pag di ka magpa-bakuna, delikado. Pag nagpa-bakuna ka, delikado rin. Pag iba ang i-take mo, delikado rin baka walang bisa. So, pipiliin mo ngayon, ano ang mas konti ang peligro? Ano ang mas safe pero realistic din? Ano ba ang payo ng gubyerno? Isipin mo mabuti at pag-aralan. Tapos mag decide ka."

"Ang decision ko Prof, ayoko ng bakuna," giit ni Sabas. 

"Ganon? E ano panlaban mo sa Covid? Ano proteksyon mo?" usisa ni Prof.

"Aba! Mask, shield, at social distancing!" Pagyayabang ni Sabas. "Protocol!"

"Mask?" tanong ni Prof. "Asan mask mo? Andyan sa baba mo, wala sa bibig at ilong!"

Kantyawan ke Sabas at tawanan.

"Shield?" tanong uli ni Prof. "Ang shield mo naka-angat sa tuktok ng ulo mo."

Halakhakan habang tinutukso si Sabas.

"At social distancing? E eto tayo kumpulan tayo dito sa traysikelan!" sabi ni Prof. Na-tahimik lahat, guilty kasi lahat.

"O, asan ang proteksyon mo, Sabas?"

Mangiyak-iyak na si Sabas sa pagsisisi.

"O wag ka umiyak. Nagpapaliwanag lang ako para ma-gets mo mga sinasabi mo. OK lang kung ayaw mo magpa-bakuna, kung marunong ka talagang mag-ingat. E kaso hindi e. Suot mo nga mask at shield mo, pero mali naman. Para kang bumili ng motor tapos imbis na sakyan mo, karga-karga mo. 

Halakhakan uli, habang tinutukso si Sabas. 

"At kahit me bakuna ka na, kelangan pa rin ang mahigpit na protocols," dagdag pa ni Prof. "Maaaring safe ka sa Covid pero di mo alam kung carrier ka pa rin. Pwede kang makapang-hawa."

Dito na ako sumabat. Ako si Jaden:

"Suma-total, ang importante pa rin ay ang pag-iingat sa health natin--me bakuna ka man o wala. Maliban sa protocols, kelangan healthy lifestyle na tayo para lumakas ang immune system natin. Alang kwenta ang bakuna o health protocols kung ina-abuso mo naman katawan mo."

"Tumpaks si Jaden!" segunda ni Prof. "Kung puro puyat ka, o lagi ka naglalasing o naninigarilyo ka, wala rin. Tandaan natin, ang isa sa mga atake ng Covid ay sirain ang immune system natin. E kung tutulungan mo syang sirain ito, e di useless lahat!"

"At yung pagkain din na hindi healthy, di ba Prof?" singit ni Sikyong Pedro. "Pag puro unhealthy ang kinakain natin, lalo na walang gulay, yari din tayo."

Inayunan sya ni Prof. "Bakunado ka nga, nagka-sakit ka naman sa puso o nagka-diabetes. Edi wala rin."

Biglang nag-announce si Aling Lori sa karenderia na katabi ng traysikelan. "Ready na ang lunch! Kain na! Me porkchop, adobo, paksiw na lechon, menudo, igado, pork teriyaki, sinigang na baboy at iba pa!"

Nagka-tinginan ng matagal ang mga Ocho Boys, kasama ako at si Prof. Pagkatapos, inumpisahan ni Sabas ang order. "Me gulay ba?"

"Chop suey lang, yung tira kahapon," sagot ni Aling Lori.

"Chop suey sakin," mabilis na sagot ni Sabas.

"Ako rin!" sunod-sunod na sagot ng mga Ocho Boys.

Review lang--baka nalimutan nyo na ang Ocho Boys (Kalog Boys)--eto sila: Ako (si Jaden Mero, and me-akda ng Kwentong Otcho), si Prof, Pareng Babes, Mr. Bean, Badong, Sabas, Roy, Totoy Golem, Dagul, Derek, Gerald d Dyaryo-Bote, Sikyong Pedro, si Lewy (o Lowie), si Boy at si Bisoy. O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy.

Kobid at Sili

Talagang sure daw sya! Nakakagaling daw ng kobid ang sili, ika ni Badong isang umagang nag-umpukan ang mga tricycle drivers sa karenderia ni Ate Lori. Kasi daw nga, dahil ma-anghang ang sili, mamatay daw ang virus sa init nito pag kumakain ka ng sili. "Kaya kelangan kainin mo, di mo lang gagawing sawsawan," sabi nya.

Image by Free-Photos from Pixabay.

"Ilang sili naman kelangan"? tanong ni Lowie, siryoso sya dahil ayaw nyang magpa-bakuna.

"Sampu kada oras!" payo ni Badong. Parang gusto nalang magpa-bakuna ni Lowie. 

"E san mo naman napulot yang idea na yan"? tanong ni Mr. Bean na ma-usisa.

"Di na importante. Basta isipin mo nalang. Di ba sabi nila mag-suob ka at pirming uminom ng mainit na tubig para ma-ibsan ang kobid? Ibig sabihin, ang suma-tutal, dapat mainit! Kaya naisip ko, sili dapat!" paliwanag ni Badong, na animo'y henyong virologist. 

"Nagpa-bakuna ka na ba?" usisa ni Mr, Bean.

"Ha? Ah eh...mamya," alangang sagot ni Badong.

"Ah, so, habang di ka pa bakunado, lumalaklak ka muna ng sampung sili kada oras?" pag-kulit at pa-insulto ni Mr. Bean.

"Hindi pa! Wala pa naman akong kobid. Gagawin mo lang yan pag nagka-kobid ka na!" palusot ni Badong.

"Eh, eto na si Prof. Tanong natin kung gaano ka totoo yang idea ni Badong na yan," sabi ni Sabas. Excited na silang makinig ke Prof. Si Prof ang me alam ng lahat-lahat dahil mataas ang pinag-aralan niya at malalim din magisip. At pala-research din ito.

Naka-ngiti si Prof. "Malayo palang ako dinig ko na diskusyon nyo dito. Me kape ba ryan, Aling Lori?" Tumango si Lori at nagtimpla agad sya para ke Prof. "Lista muna ha," pahabol ni Prof.

"Alam nyo, ka-daming health benefits ng sili! Hindi lang masarap na sawsawan yan partner ng suka o toyo, mayaman din yan sa "Capsaicin" na syang nagpapa-anghang sa sili--at sanhi din ng health benefits nito. 

"Aba! E nakaka-taas ng metabolismo ang Capsaicin  para masunog ang mga taba-taba sa katawan, gaya ng ke Derek!" Tawanan ang barkada at kantyawan. Mas mataba daw si Bisoy kesa ke Derek. Si Gerald d Dyaryo-Bote naman pinagyabang na payat sya kahit walang sili-sili. "Wala ka kasing makain!" sigaw ni Boy. Tawanan pa more.

"Ang Capsaicin ng sili ay nagko-control din ng pag-labas ng insulin para di gaanong tumaas ng biglaan. Makaka-sama kasi ito sa mga diabetic," dagdag ni Prof. "Kaya mainam mag-sili pag kumakain. Pampa-gana pa."

"Pero," bwelta naman ni Prof, "wag din sobra-sobra na gaya ng sabi ni Badong. Wag naman 10 sili kada oras!" Halak-hakan nanaman ang dabarkads, panay kantyaw ke Badong. Ngiti-ngiti lang si Badong, namumula sa hiya dahil na buking.

"Eh, Prof. Gamot ba sa kobid ang sili?" tanong ni Mr. Bean.

"Lalong hindi!" ika ni Prof, tatawa-tawa. "Pag ginamit mong gamot sa kobid yan, at lumaklak ka ng madami, almoranas lang abot mo. Me kobid ka pa rin."

"Ayan! Sabi na bululyaso nanaman si Badong eh!" ika ni Mr. Bean, proud na napatunayan nyang tama sya at mali si Badong. "Magpa-bakuna ka nalang!" Dagdag nya.

"Eh prof, ano ba ang pwede pang panlaban sa kobid, bukod sa bakuna?"

"Sundin dapat natin mga protocols. Siryosohin natin," pag-diin ni Prof. "Wear face masks and shields properly, di tulad ni Pareng Babes. O ayan, naka-mask nga sya labas naman ang ilong." Halakhakan. Inayos tuloy ni Pareng Babes ang mask nya.

"Eto namang si Dagul, nasa baba ang mask. Di kelangan protektahan ang baba. Hindi dyan pumapasok ang virus. Sa ilong po at bibig," kutya ni Prof. Halakhakan uli. Inayos din tuloy ni Dagul ang mask nya. "Kahit nabakunahan ka na, strict protocols pa rin!" dagdag ni Prof. "O, social distancing ha!"

"Akala ko pa naman, sili na ang sagot sa kobid," malungkot na sabi ni Badong. 

"Well, wala pa namang pag-aaral tungkol dyan. Malay natin, baka me lumabas na study someday at lumabas na tama ka pala, Badong!" sabi ni Prof. "Pero habang wala pang studies and tests and FDA and DOH approval, wag munang umasa."

"Naku. Kelang kaya a-aprubahan ng DOH at FDA?" tanong ni Ate Lori.

"Ang alin?" tanong ni Prof.

"Ang pagbabayad mo sa utang? Ang haba na ng listahan mo, Prof!"

Halakhakan pa more!

Basta't "SALE" Ito Ingatan Mo

Napansin mo ba? Twing papasok ka sa mga malls pirming naka "sale" sila. Yan ang napansin ni Boy isang araw na nasa mall sila ni Bisoy at Badong. Araw-araw nalang me "sale" daw. E di lalo na itong mag-papasko. Kunwari me sale para mag kandarapa kang mamili.

Photo above by Markus Spiske on Unsplash. 

"Kita mo yang pitchel na buy-one-take-one for P300 'only'?" ika ni Boy. "Bakit, pag walang sale maniniwala kang P300 ang isa nyan? Weh!"

"Ibig mong sabihin pre...ibig mong sabihin...P400 talaga isa nyan?" sabi ni Badong.

"Engot! Ibig kong sabihin, sa totoo lang, P150 naman talaga isa nyan. Kunwari lang 'sale' at kunwari buy-one-take-one for only P300!" paliwanag ni Boy.

Ad: Attract people with your strong personality.

CLICK HERE!

Tawa si Bisoy. "E dili ko nga bilhin yan sa tig P150 ang isa! Tignan mo, manipis at malutong na plastik. Madaling mabasag yan! Isang untog lang nyan basag na!"

"Na-isahan ka sa 'sale' nila. Hindi ka naka-mura. Kumita pa sila!" dagdag ni Boy. 

Sa lakas ng usapan nila napapa-lingon na mga sales ladies sa kanila. Parang gusto nilang umimik pero di nila magawa kasi nga customer is always right. Never left. Hehe. Naka-ngiti lang sila, kahit yung supervisor nila. Palakad-lakad lang kina Boy and company na makukulit.

"E yang pants na yan. Sabi P700 na lang daw yan," turo ni Bisoy. "Dati daw P1,400 yan. Pero kasi 'sale' kaya P700 nalang daw. Hahaha! E las week nung wala pang sale nakita ko P350 lang talaga yan!"

"Ibig mong sabihin pre...ibig mong sabihin...pag sale mas mababa presyo?" banat nanaman ni Badong.

"Ang ibig sabihin, Badong, kumita pa sila ng doble ngayong 'sale' daw!" paliwanag ni Boy uli, medyo asar na ke Badong sa pagka slow nya. "Gets mo na?"

"Aaah!" ika ni Badong na parang na-gets na nga nya talaga. "Pag pants doble kita nila!"

"Saan ba me sale talaga pag me 'sale'?" tanong ni Bisoy. 

"Punta ka na lang ng Divisoria. Walang sale dun pero parang 'sale' ang mga presyo." sabi ni Boy. "Kaya lang me Covid kaya mahirap pumunta dun. Siksikan pa. Kaya dito ka nalang. Magpa-scam ka nalang kesa ma-Covid ka.

Ad: Get a FREE copy of this e-book.

CLICK HERE!

"Naka-mura ka nga, baka tamaan ka naman ng Covid," segunda ni Bisoy.

"Ganon?" ika ni Badong. "Mga kawawa pala mga tindera dun e."

Nagtinginan sila Boy at Bisoy. "Bakit?" Tanong nila.

"Pwede mo silang murahin..."

ARAL: Kaya dapat maging-wais tayong mamimili. Hindi porket sale papatulan na natin. Mag research din pa minsan-minsan. Mag matyag. Pagka na dadaan sa mall or department stores, silipin din mga prices pag walang sale. Tapos pah me sale na, compare ang prices during sale at walang sale. At tignan din ang quality ng items. Minsan pag sale di mo na ini-inspect ang item kaya pag uwi mo me sira pala. Yun palang sale na shirt or shorts me sira pala pagka-tahi o me tas-tas. Mga ganon ba. 

Sayang pera.

CASTS

Review lang--baka nalimutan nyo na ang Ocho Boys (Kalog Boys)--eto sila: Ako (si Jaden Mero, and me-akda ng Kwentong Otcho), si Prof, Pareng Babes, Mr. Bean, Badong, Sabas, Roy, Totoy Golem, Dagul, Derek, Gerald d Dyaryo-Bote, Sikyong Pedro, si Lewy (o Lowie), si Boy at si Bisoy. O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy.

Patay Kang U-Turn Slot Ka

Ngayon, obligado na si Mr. Bean bumaba sa Mercury Drug sa Congressional para umakyat ng footbridge para tumawid sa Munoz. Kasi sarado na lahat ng U-turn slot sa EDSA. 

Photo above by Jim Wilson on Unsplash.

Pano na yung mga senior citizen na hindi na makaakyat sa footbridge? Talagang babay-bayin nila ang EDSA hanggang Balintawak o Monumento para lang makarating sa Munoz?

"Hindi makatarungan yon!" sigaw nya sa umpukan ng mga tricycle drivers. "Ibalik muli ang mga U-tarn islats na yan!"

"Di naman inalis. Sinara lang. Andun pa rin yung mga U-tarn islats!" ika ni Dagul.

"Prublema ba talaga yang U-tarn islats na yan sayo, Mr. Binong?" tanong ni Sabas. "E di ka naman senior. Mas malakas ka pa sa kalabaw!"

"Kasi yung lolo ko e!" sagot ni Mr. Bean.

"Ah yung lolo mong senior?" ika ni Sabas.

"Me lolo bang hindi senior?" bwelta ni Badong ke Sabas. "Syempre senior!"

"Ba't si Derek di naman senior pero mukang lolo na?"

Tawanang maka-diablo.

"Hindi!" sabat ni Mr. Bean. "Hindi dahil senior na lolo ko. Kasi yung nililigawan niya nasa Parkwi! E di kelangan niya pang tumawid ng footbridge para manligaw!"

"Lolo mo nanliligaw pa?"

"Bakit? Bawal ba? Anong batas ang nagbabawal?" sagot agad ni Mr. Bean.

"Saan ba yang Parkwi na yan?" tanong ni Prof.

"Dyan sa Parkwi Billige, sa me Del Pilar!" sabi ni Mr. Bean.

"Ah sa me Sen Peter! Yung punirarya. Liliko sa kaliwa tapos diretso, tatawid ng tulay?" tanong ni Gerald d Dyaryo-Bote.

"Mismo!" sagot ni Bean.

"E di mag Zoom nalang sila sa internet!" mungkahi ni Derek habang nilalantakan ang mainit na mami na binili nya sa karenderia ni Aling Lori. "Enge naman nyan," sabi ni Gerald d Drayro-Bote. "Bawal! Me pandemia no!" sagot ni Derek. "Ano ko, me-Covid?" sabi naman ni Gerald. "Malay ko!" sagot naman ni Derek.

"Ganto nalang, Beano. Sabihin mo sa lolo mo makipag date nalang sa nililigawan niya. Tapos magkita sila sa SM Annex," suggestion ni Prof. "E di hindi na kelangan tumawid ng footbridge lolo mo. Tapos yung nililigawan niya mag jeep nalang to SM from Walter. Di ba?"

"Hindi yun, Prof e! Hindi yun ang prublema!" sabi nanaman ni Bean.

"E ano?"

Nagkamot ng ulo si Mr. Bean: "Walang perang pang date lolo ko. E bat pa sya tatawid ng footbridge o pupunta sa SM? Di ba? E dahil na-sabi mo yan Prof, pwede bang pa-utang para me pang date si lolo? Tutal idea mo naman yan e..."

CASTS

Review lang--baka nalimutan nyo na ang Ocho Boys (Kalog Boys)--eto sila: Ako (si Jaden Mero, and me-akda ng Kwentong Otcho), si Prof, Pareng Babes, Mr. Bean, Badong, Sabas, Roy, Totoy Golem, Dagul, Derek, Gerald d Dyaryo-Bote, Sikyong Pedro, si Lewy (o Lowie), si Boy at si Bisoy. O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy.

Solusyon sa Walang Tubig

Tatlong araw na yatang walang tubig sa Bahay Toro! Mawalan na ng kuryente wag lang tubig. Bat ba di nalang mga kriminal ang mawala? "Grabe naman!" ika ni Gerald (the dyaryo bote). "Ano bang planong gawin ng Maynilad? Mangamoy tayong lahat dito?" Me matinding conviction sa boses nya.

"WOW! Parang naliligo!" sigaw ni Badong. "Matagal ka nang nangangamoy!' Ika naman ni Pareng Babes. "Sisisihin mo pa Maynilad!"

Photo by Patrick Pahlke on Unsplash.

"Sabunutan kita dyan, e!" pabirong banta ni Gerald sa panot na si Pareng Babes.

"Pero bakit ba walang tubig?" anya ni Lowie. "Sobra-sobra na nga ang tubig ulan ni Ulysses tapos walang tubig sa gripo! Anu yan, lokohan?"

"Nililinis daw muna ng Maynilad ang burak sa tubig na nasa filtration station nila," paliwanag ni Prof. "Medyo matatagalan daw."

"Eh, ano ba solusyon mo dyan, Prof?"

"Magtipid, syempre. Tapos hila-hilamos lang muna. Lagyan muna ng supot na plastic ang pinggan pag kakain para wala nang hugasan."

"Pano ebak natin?" tanong ni Gerald. "Sa plastic na supot pa rin?"

"Di ba ikaw sanay ka na sa ilog umebak?" singit ni Pareng Babes.

"Ang solusyon dyan, wag munang kumain," ika ni Prof. "E di walang ebak."

Dumating si Roy. "Wala pa ring tubig?" tanong nya. "Absent tuloy ako sa office kasi halos 3 araw nang walang tubig. Nung una at pangalawang araw medyo OK pa eh. Pero tatlong araw?"

"Wag na ding magtrabaho muna," dagdag ni Prof sa solusyon niya.

"Edi wag na din munang pumasada!" sabi ng ilang tricycle drivers na nag-aantay ng pasahero. 

"So tigil lahat," sabi ko. Ako si Jaden.

Tumigil silang lahat. Walang kumiklos. Walang nagsasalita. Walang pumipikit. Wala rin yatang humihinga! Para silang istatuwa. "Oy, joke lang no!" sabi ko.

Yun pala, paglingon ko, andun si Quibuloy sa likod ko. Nagulat pa ko. Bat sya nasa Ocho? Napadaan ang kotse nya at napa-dungaw sya pag daan sa likod ko. 

"O, alam mo na bat walang tubig?" ika ni Prof.

"Bakit?" tanong ko pa rin.

"E kasi 'STOP!! sabi nya," paliwanag ni Prof.

ANG OCHO BOYS

Review lang--baka nalimutan nyo na ang Ocho Boys (Kalog Boys)--eto sila:

Ako (si Jaden Mero, and me-akda ng Kwentong Otcho), si Prof, Pareng Babes, Mr. Bean, Badong, Sabas, Roy, Totoy Golem, Dagul, Derek, Gerald d Dyaryo-Bote, Sikyong Pedro, si Lewy (o Lowie), si Boy at si Bisoy.

O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy.

Ginabi Si Ulysses

OK pa nung hapon kahapon. Kahit nga alas sais ng gabi OK pa rin, although me katindihan na ang ulan. Chine-check ko parati sa news kung ano na lagay ni Ulysses. Huling nadinig ko 140 kph pa din sya at me bugsong 190 kph---at masasagi daw ang NCR. Malakas din yon ah. Safe kaya ang Project 8? Nakaka-kaba din. Pano kung mag direct hit?

Photo by Rachel Claire from Pexels.

Yun ang madalas kong maisip. 

Pero umasa pa rin akong di na sya magpaparamdam dito sa QC, or sa Project 8. Kasi nga late afternoon na wala pa rin sya. Sabi nga ni Mr. Bean at si Badong kanina sa karenderia over coffee, FAKE NEWS lang daw. Tawa sila ng tawa nung na-daan ako matapos mamili ng kandila, posporo, tuyo, itlog at bigas---mga kelangan pag me bagyo---dyan sa Road 20. Napaka OA ko daw. Panik buying. Ewan ko sa kanila. Buti pa si Sikyong Pedro namili rin para handa sya---namili ng gin, Red Horse at konting pulutan. At least nag-ready sya, di ba!

Eto na. Nung alas syete, nag iba na ihip ng hangin. Lalo na nung 9:00 pm. Ginabi si Ulysses, madami atang dinaanan pa. Lagalag. Delikado yung me malakas na bagyong tatama malapit sa inyo pag gabi na. Ayaw maniwala nila Mr. Bean at Badong na peligroso yon. Kaya nung kasagsagan na---mga hating-gabi at ala una ng madaling araw---tumodo na si Ulysses, hanggang alas sais ng umaga. 

GRABE! Ang tagal din noon ha! Parang nagustuhang tumambay ni Ulysses sa QC at Ocho.

Sumilip ako sa bintana ng 1:00 am. Madilim tas mahangin. Nakita ko yung mga nagsisi-likas. Pati nga yung White Lady dun sa puno ng Balete sa kanto lumikas na rin dahil basang-basa na sya. Bitbit nya mga paraphernalia sa pananakot--mga wigs, ketchup, white dresses (naputikan na yung iba) at mga makeup. Pumara ng tricycle, pero kumaripas naman ng harurot yung driver. Naglakad nalang si White lady---buti me payong sya.

Halos di ako nakatulog---hindi dahil ke Ulysses o sa White Lady---dahil sa mga text ni Mr. Bean at Badong. Nilipad na daw ng hangin ang bubong at muskitero nila, ano daw dapat nilang gawin. At brownout, tapos wala pa silang makain, gutom na daw sila. Sabi ko, matulog. Yun ang dapat nilang gawin. At yun ang deserve nila. Pero di ko na sinabi yun.

Bandang alas sais ng umaga, nung di na delikado lumabas, pinatuloy ko na sila sa bahay ko. Basang-basa sila at nangangatog sa lamig. Nag-kape kami habang ngi-ngisi-ngisi ako sa kanila. Mamyang konti, dumating na din sina Totoy Golem at Dagul. Wala daw silang makain. Para namang bago yon. Me bagyo o wala, wala talaga silang makain. Inutusan ko silang bumili ng pandesal at itlog sa bakery, dagdag sa almusal namin. Pinagluto ko silang apat. Masaya naman sila.

Tapos, nag-almusal na kami ng 7:30 am habang nakikinig ng radyo at nagkwe-kwentuhan. Masarap ang pritong itlog at tuyo sa sinangag at pandesal. Mainit na kape. Tapos kwentuhan, tawanan habang nakikinig sa radio, sa balita at sa drama. Pati nga si Prof naki-salo samin nung nadaaan sya e. Mga importanteng bagay yan para malampasan ang mga bagyo sa buhay.

Pano Mangaroling Ang Naka Mask sa Pasko?

As usual nagka-umpukan mga barkada dyan sa kanto, sa me guardhouse. Katatapos lang ng Undas kaya ngayon, Pasko naman ang topic nila. Nagrereklamo nga sina Totoy Golem at Dagul dahil wala daw silang kinita nung Undas dahil walang masyadong tao sa sementeryo--sa Baesa at sa Himlayan. 

Photo above from filipinotimes.net.

Kaya sana daw sa Pasko maka-raket sila.

Review lang--baka nalimutan nyo na ang Ocho Boys (Kalog Boys)--eto sila:

Ako (si Jaden Mero, and me-akda ng Kwentong Otcho), si Prof, Pareng Babes, Mr. Bean, Badong, Sabas, Roy, Totoy Golem, Dagul, Derek, Gerald d Dyaryo-Bote, Sikyong Pedro, si Lewy (o Lowie), si Boy at si Bisoy.

O nga pala, si Boy at Bisoy ay mga bagong members ng Otcho Boys---although si Boy ay matagal na sa Otcho. Yun nga lang, matagal ding nawala dahil umuwi sa Butuan. Pero bumalik na siya. Si Bisoy (Bisayang Baboy ang tukso sa kanya kasi mataba siya) ay nangungupahan naman sa likod-bahay nila Boy.

So, pinagusapan nila ang diskarte sa Pasko:

PROF: Pano kayo dedelihensya sa Pasko e obligado kayong naka mask at face shield?

AKO: Oo nga, pangit na nga boses nyo, di pa maiintindihan dahil sa mask at shield.

SIKYONG PEDRO: Pagbabati nalang halimbawa? Pano kayo babati sa Pasko?

MR. BEAN: Madali lang yan!

PROF: Paano?

MR. BEAN: E di "Merry ChristMask!"

PROF: E sa Tagalog?

LOWIE: Maligayang MASKo!

PROF: Pano social distancing? Hindi makakalapit yung kakarolingan nyo pata magbigay ng pera dahil social distancing.

MR. BEAN: E di Gcash!

"Haay nako!" sabi ko nalang. "Di nyo ba alam bawal na mangaroling tong Paskong ito? Next year nalang!"

Jeepneys: Are They Ever Plying the Roads Again?

I think we have to say good bye to the traditional jeepney--though I wish I were wrong. I heard in the news last night that they're studying whether the transport crisis today needs back up from the old jeepney units. If not, then their phaseout is final. It's so sad that something like this has to happen. [Picture above from this site].

I love jeepneys. Well, I admit that old, dysfunctional and trashy ones should be phased out, but not the traditional look of the jeepney. If the thing runs good and is in tiptop shape, why not let it ply the roads? Instead, they changed jeepneys to mean minibuses. I don't know whose bright idea it is to call those white minibuses jeepneys. THEY ARE NOT. They're minibuses.

They're Not Jeepneys

Jeepneys are different. Anybody with commonsense knows that. Ang jeepney hango doon sa mga army jeeps na iniwan ng mga Kano after Word War II. Yung ang history nun. The white minibuses we see today are in no way connected to that, so they shouldn't be called jeepneys. Why can't they just call them minibuses? Kaninong IQ nanggaling na jeepneys yon?

Pag tagal ng panahon, mawawala na sa kamalayan ng mga kabataan ang tunay na jeepney. Dagdag sa kamang-mangan yan. Andami na ngang di alam ng mga kabataan ngayon tungkol sa kasaysayan ng bayan, dadagdag pa to. Hindi na nga nila alam paano maglaro sa kalye, maglaro ng tumbang preso, luksong tinik at baka, at di nila kilala mga puno na laganap sa prubinsya. 

Tanunin mo magaaral ngayon, malamang di nila alam kung ano ang puno ng aratilis sa puno ng abokado o bayabas. Nung kabataan ko kahit sinong bata sa Manila alam yon. Ngayon/ Di nga nila alam kung ano ang sinigwelas. Pag inalok mo, weirdong-weirdo sila. Lalo na makopa at mabolo.

Nung napanood nga nila yung Heneral Luna, nagtaka sila ba't naka-upo lang si Mabini. Kaya di nakapag-tataka na balang araw, hidni na rin nla alam kung ano ang jeepney.

Jeepney has become a national symbol. Pag makulay, ma-sining at mahabang jeep alam na ng lahat jeepney yan. Ang mga turista excited sumakay dyan. E sa minibus? Ano excitement nila dun? Madami silang mas magagandang buses sa bansa nila. Pero wala silang jeepney. Asan ba yang secretary ng Tourism? Naiisip ba nila to?

Sa Inner Roads Daw

Pag nilagay mo sila sa inner roads, masasagasaan naman mga tricycles at pedicabs. Mawawalan sila ng pagkakakitaan. Madami nanaman ang magugutom. At masyado silang malaki at mahaba para sa inner roads. Andami pa namang makikipot na kalsada sa Manila. Naka daan ka na sa Tandang Sora? National Road yan pero ang kipot. Lalo na yung hindi national road. At doon sa maliliit na subdivision, parang pang-kariton lang mga kalye nila.

Ipaubaya na ang inner roads sa trikes at pedics. O sa Cadi-lakad. Sana hayaang pumasada mga magagandang jeepney sa major roads din. Gaya ng mga rutang papuntang MRT o LRT. 

Regulate Lang

I-regulate lang ang pasada nila. Huwag na yung mahahabang ruta, gaya ng Ocho hanggang Vito Cruz. Masyadong mahaba. OK na yung rutang Project 8-Munoz, halimbawa, o SM North to Munoz, or SM North to UP. Medyo malayo-layo yun pero at least generally less traffic ang ruta.

At dapat me limit ang units per prangkisa para limitado din ang bilang ng nasa lansangan. Tutal pwede namang co-pilot or barker ka muna pag di ka nakaka-drive. Or alternate schedules. MWF isang driver. TTHS yung isang driver naman. Sunday pala-bunutan. 

Pano Physical Distancing?

In jeepneys, I think as long as passengers wear masks and face shields, it's okay for them to sit side-by-sde. Or stay one seat apart. Lagyan lang ng X yung di pwedeng upuan. Basta bawal mag-usap. Bawal umubo o bomahing ng walang takip sa bibig--kahit na me mask at face shield ka pa. At ang bumahing at umubo obligadong mag spray ng alcohol sa paligid nya.

Mga suggestion lang naman yan. Kung mali e di sorry.

Ba't Ayaw Talaga Nila Mag Mask

Buti sila naka-mask. Mabuhay kayo!

They hate wearing masks talaga. Ang aga-aga makikita mo nasa labas ng walang mask--o kung meron man, nasa baba. And you know why they do that? Just to avoid being penalized. Sa QC kasi mga 6 months imprisonment at meron pang P50K na penalty. Tuloy pa ba ngayon yon? Yun kasi news nung April 2020. Di ko alam kung binago na. [Picture above from this page].

Ang mask kasi sinusuot hindi lang para wag ka makulong o magbayad ng penalty. Sinusuot yan sa dalawang dahilan pa:

1. Wag ka makahawa.
2. Wag ka mahawa.

Ayaw Mag-Multo

You never know if you have the virus or not. You may be asymptomatic and passing the virus to others unawares--although there's no proof yet that this is possible--that being asymptomatic can be a way of infecting others. But to be doubly sure, we assume that it can--na pwede kang maka-hawa. This is why we wear masks. Kaya wag matigas ulo.

Pero ayun si Thanos (bansag ko sa ka-barangay kong sa baba sinusuot ang mask nya), lakad ng lakad sa kalye minsan walang mask, minsan naman me mask nga pero nasa baba naman nya. Di nya suot yon dahil nag-iingat sya sa health nya at ng ibag tao. Suot nya yon kasi ayaw nyang mag-multo, este mag-multa pala. Mali yung sub-title ko sa itaas. Dapat, "Ayaw Mag-Multa." Sorry, tao lang po. Kayong mga ka-ocho, wag kayong Thanos ha!

Di Macho

Isa pa, di daw macho tignan pag naka-mask. Can you believe these people? Feeling nila di ka tunay na lalaki pag naka mask ka. O mahinag nilalang ka. Or worse, ma-drama ka daw masyado. Para virus lang e, pa-mask-mask ka pa at naka face shield pa. Arte mo. Tipong ganon. But the truth is, the virus is really deadly. Hindi biro-biro. Wag mo nang intaying tamaan ka at pahirapan ka--o patayin ka. Tapos mahawa pa pamilya mo.

Kalokohan Lang

Meron pang mga nagsasabi, fake news daw ang Covid 19. Wala daw virus talaga. So ano yung mga nasa news? Kahat-isip? Yung mga pinakita nilang pinahirapan talaga sila ng virus? Yung special news ni Howie Severino? Ano yun, mga kalokohan lang? I call these guys Smart Alecks. They laugh at those who take the virus seriously and claim that there is no virus--or if there is, it's not fatal. Mas deadly pa daw ang common flu na mas madaming namamatay. 

Ano to contest, padamihan ng namamatay?

Ke mas konti pa namamatay sa Covid kesa sa flu is not the issue. What is, is that Covid can kill and many in fact have died. Hindi ito kontes. Palibhasa mahilig ang iba sa beauty contest kaya lahat nalang sa kanila contest. Kaya rin pag na puna mo lang ng konti si President Duterte dilawan ka na daw agad. Ma-puri mo lang siya ng konti, DDS ka na daw agad. Lahat sa kanila contest. Yung kampihan mentality pinsan yan ng contest mentality.

And they both belong to the makipot family--makipot pagiisip.

Mahawa Ka na, Wag Lang Marumihan Mask Ko

Finally, there are folks who'd rather cough or sneeze at people than have their masks tainted with it. Naka-mask sila. Pero pag uubo or babahing, aalisin mask nila. Hehe. Gaya ni ate sa Western Union sa Walter Mart. Customer sya, naghihintay, medyo kasunod ko. Buti nalang naka physical distancing kami at naka mask at face shield ako. Nung bumahing siya, hinubad agad mask nya para di nya mabahingan. 

Actually, I see a lot of folks doing this--saving their masks by taking them off when they cough or sneeze. Why they do this--what's going on in their minds--I don't know. It's a big mystery. Probably a mystery for the Ocho Boys to solve.